ეს წვრთნები იმითაც არის საინტერესო, რომ მასში მონღოლეთისა და ჩინეთის სამხედროებიც მონაწილეობენ. მართალია მათი რიცხვი მცირეა - ჩინელების მხრიდან 3 000-მდე ჯარისკაცი მონაწილეობს, თუმცა მათი მონაწილეობის მიზანი ერთი მხრივ არის ის, რომ ჩინეთის საზღვართან დიდი რაოდენობით ჯარისკაცებისა და ტექნიკის მობილიზებას პრობლემა არ გამოეწვია ჩინელებში, ხოლო მეორე მხრივ ის, რომ რუსეთმა მსოფლიოს დაანახვოს, რომ მისი იზოლაციაში მოქცევა შეუძლებელია. რამდენად არის ასე, ამას დრო გამოაჩენს...

უნდა აღინიშნოს, რომ ჩინეთისა და რუსეთის მოკავშირეობას ამერიკის პოლიტიკამაც შეუწყო ხელი - ჩინეთთან ხისტი პოლიტიკის გატარებით ბუნებრივია, რომ ჩინეთი უფრო მჭიდრო კავშირებს დაამყარებს რუსეთთან და ევროკავშირის ქვეყნებთან. ამას არც ჩინელები მალავენ. ჩინეთის სახალხო ბანკის (People’s Bank of China) ყოფილმა ხელმძღვანელმა, ჩჟოუ სიაოჩუნმა ისიც აღნიშნა, რომ ამერიკის მიერ გაზრდილი გადასახადების ფონზე ჩინეთი სხვა ბაზრებს, ასევე სავაჭრო და ბიზნეს ურთიერთობების დივერსიფიცირებას იწყებს და ამ კუთხით, რუსეთთან და ევროკავშირის ქვეყნებთან ჩინეთის ურთიერთობა არსებითად განვითარდება.

უნდა აღინიშნოს, რომ 11 სექტემბერს პუტინი ვლადივასტოკში შეხვდა ჩინეთის პრეზიდენტს, სი ძინპინს. მათი შეხვედრა საკმაოდ თბილად და მეგობრულად გამოიყურებოდა (რა თქმა უნდა, დადგმული სცენა იყო). მათ ერთად მოამზადეს ბლინები, შავ და წითელს ხიზილალასთან ერთად მიირთვეს და რუსული არაყიც დააყოლეს. განაგრძეთ კითხვა და ნახეთ ვიდეო