2018 წლის 8-9-10 სექტემბერს აზერბაიჯანის დედაქალაქ ბაქოში მიმდინარეობდა ორთაბრძოლების საერთაშორისო ფესტივალი სადაც მონაწილეობას ღებულობდნენ რუსეთის, თურქეთის, ყაზახეთის, ავღანეთის, პაკისტანის და ა.შ ქვეყნის ნაკრები გუნდები მათ შორის იყო საქართველოც. ჩემპიონატი მიმდინარეობდა მსოფლიოს 8 სხვადასხვა ფედერაციის ეგიდით.

ჩვენი ქვეყნის სახელს იცავდნენ საქართველოს ტაილანდური კრივისა და კიკბოქსინგის ფედერაციის სპორტსმენები, დედოფლისწყაროელები ნუგზარ ყარაგვეზაშვილი (60კგ) და ირაკლი ჯამასპიშვილი (81კგ) მწვრთნელ თამაზ ყარაგვეზაშვილთან ერთად.

სასიხარულო და საამაყოა, რომ ორივე სპორტსმენმა აღნიშნულ ჩემპიონატზე გაიმარჯვა ორთაბრძოლების ურთულეს სახეობაში, ტაილანდურ კრივში და სამშობლოში ოქროს მედლებით დაბრუნდნენ.