საზოგადოება შაკირას ბინის ძარცვისთვის ქართველი კანონიერი ქურდის დაკავებას საქართველოში ადასტურებენ 2018, 10 სექტემბერი, 14:20 . ესპანეთში ცნობილ მომღერალ შაკირას და ფეხბურთელ ჟერარ პიკეს სახლის გაძარცვის ბრალდებით ქართველი ე.წ კანონიერი ქურდი, გოჩა მაისურაძე, იგივე „გოგიტა“ დააკავეს. ინფორმაციას საერთაშორისო მედია აქტიურად ავრცელებს.
.
საქართველოს შინაგან საქმეთა სამინისტრო ადასტურებს, რომ ესპანეთში ე. წ. კანონიერი ქურდი ნამდვილად დააკავეს. როგორც შსს-ში ამბობენ, ქართული მხარე გოჩა მაისურაძის დაკავების შესახებ ინფორმირებულია, თუმცა, დამატებითი დეტალები მათთვის უცნობია.
.
ესპანური მედია წერს, რომ "გოგიტა" სხვადასხვა კრიმინალურ ჯგუფს ხელმძღვანელობდა, რომლებიც სახლების ძარცვით იყვნენ დაკავებულები. შეგახსენებთ, შაკირას და პიკეს სახლი 6 ივნისს გაძარცვეს. დამატებითი დეტალები ამ დროისთვის არ ვრცელდება.
147 1-ს მოსწონს
|