საქართველოს საპრეზიდენტო არჩევნების ერთ–ერთი კანდიდატი, გიორგი ასათიანის ამას წინანდელმა დაპირებამ დამამთავრებელ კლასებში გოგონებზე ქალიშვილობის მოწმობების გაცემის შესახებ დიდი გამოხმაურება ჰპოვა სოციალურ ქსელში, ბატონი გიორგი ამით არ დაკმაყოფილდა, კიდევ უფრო შორს გაუტია და მორიგი დაპირებები გამოაქვეყნა დემოგრაფიულ პრობლემებზე და ულიფო ქალებზე.

"ყველას მოგეხსენებათ, რომ ჩვენი ქვეყანა განიცდის უმწვავეს დემოგრაფიულ კრიზისს... აღნიშნული საკითხი უსწრაფესი გზით უნდა გადაიჭრას, კერძოდ, იმპოტენციით დასნებოვნებული მამაკაცები, რომლებიც არ ექვემდებარებიან მკურნალობას და გამოუსადეგარნი არიაინ რეპროდუქციისთვის, გამწესებულნი იქნებიან საქართველოს სხვადასხვა სოფელში საზოგადოებისთვის სასარგებლო შრომის უზრუნველსაყოფად. კერძოდ, მიწების დასამუშავებლად, ხილ-ბოსტნის მოსაყვანად, საქონლის მოსავლელად და ა.შ.

ჩემი გაპრეზიდენტების შემთხვევაში პირობას გაძლევთ, რომ აიკრძალება ბიუსჰალტერის გარეშე საზოგადოებრივ თავშეყრის ადგილებში სიარული, რისთვისაც ორი მარტივი მიზეზი არსებობს. პირველი ის, რომ მამაკაცებს ცოდვის ჩადენისკენ უბიძგებენ გამომწვევი მკერდით და მეორე უკარგავს ქალის მკერდს მის ქართულ სილამაზეს.