ლეგენდარული პროფესიონალი მოკრივე–როკი მარჩიანო დაიბადა 1923 წლის 1 სექტემბერს, ამერიკის შეერთებულ შტატებში, მასაჩუტესის შტატში, ქალაქ ბროქტონში.
ნამდვილი სახელი– როკი ფრენსის მარკედჯიანო.
სუპერმძიმე წონაში მსოფლიოს ჩემპიონი 1952–1956 წლებში.
ფენომენალური მოკრივე, რომელსაც არასოდეს არ განუცდია დამარცხება პროფესიონალურ კრივში.
49 შეხვედრიდან 49 მოგება.
აქედან 43 ნოკაუტით, შედეგი რომელიც დღემდე ვერავინ გააუმჯობესა პროფესიულ კრივში–მძიმე წონაში.
არცერთი ფრე და არცერთი დამარცხება.
მისი დებიუტი შედგა 1947 წლის მარტში. 1950 წლის მარტში შეხვდა რონალდ ლასტარცის, ლასტარცის მცირე უპირატესობა ქონდა პირველ რაუნდებში, მაგრამ 15 რაუნდიან შერკინებაში გაიმარჯვა მარჩიანომ.
1951 წლის ოქტომბერში ხვდება ლეგენდარულ შავკანიან პროფესიონალ მოკრივეს ჯო ლუისს, უკვე ასაკოვანმა ცოცხალმა ლეგენდამ ბევრი წინააღმდეგობა ვერ გაუწია ამომავალ ვარსკვლავს და მარჩიანომ ყოფილი მსოფლიო ჩემპიონი 8–ე რაუნდში ნოკაუტით დაამარცხა.
1952 წლის სექტემბერში მარჩიანო გადის რინგზე, მსოფლიო ჩემპიონ– ჯერსი ჯო უოლკოტის წინააღმდეგ, რომელიც იმ დროისათვის, მსოფლიო ჩემპიონი იყო მძიმე წონაში.
თავისი კარიერის მანძილზე, მარჩიანო პირველად აღმოჩნდა ნოკდაუნში, მიუხედავად ამისა 13–ე რაუნდში მარჩიანომ ჩემპიონი ნოკაუტით დაამარცხა. ბრძოლამ მიიღო მეტსახელი :წლის ბრძოლის: სახით.
1953 წლის მაისში შედგა მათი მატჩ–რევანში, მარჩიანომ უოლკოტი ნოკდაუნში ჩააგდო, უოლკოტი 10–დე დათვლამდე უძრავად იჯდა რინგის ფიცარნაგზე და მხოლოდ 10–დე დათვლის მერე წამოდგა და პრეტენზიები გამოთქვა, რომ ის მზად იყო საბრძოლველად, რასაც მაყურებლების სტვენა მოჰყვა პასუხად.
რეფერიმ გააჩერა შეხვედრა, გამარჯვებულად ისევ მარჩიანო გამოაცხადდა.
1953 წელს მარჩიანო ისევ შეხვდა რონალდ ლასტარცის, მარჩიანომ 11–ე რაუნდში გაიმარჯვა ტექნიკური ნოკაუტით.
1954 წლის ივნისში ხვდება ყოფილ მსოფლიო ჩემპიონს მძიმე წონაში–ეზარდ ჩარლზს და ქულებით ამარცხებს.
მარჩიანოსათვის კარგად დაცდილ სექტემბერში იმავე წელს ხდება მათი შეხვედრა გამეორებით და მარჩიანო 8–ე რაუნდში მოწინააღმდეგეს ნოკაუტში აგდებს.
1955 წლის მაისში მარჩიანო ნოკაუტით ამარცხებს დონ კოკელას.
1955 წლის სექტემბერში ხდება მძიმე წონაში მსოფლიო ჩემპიონ როკი მარჩიანოსა და ნახევრადმძიმე წონაში მსოფლიოს ჩემპიონ, ლეგენდარულ შავკანიან მოკრივეს არჩი მურის შეხვედრა.
შეხვედრის დაწყებამდე მურმა განაცხადა, რომ მარჩიანოს მალევე ასწავლიდა ჭკუას და ისეთ გაკვეთილს ჩაუტარებდა, რაც მარჩიანოს კრივზე ააღებინებდა ხელს.
საპასუხოდ–ნოკაუტით გაიმარჯვა 9–ე რაუნდში.
ეს იყო მარჩიანოს კარიერაში მართლაც ბოლო შეხვედრა, რადგან ზურგის პრობლემების გამო, ექიმების რჩევით წავიდა რინგიდან საბოლოოდ.
კრივისთვის თავის დანებების შემდეგ იყო წარმატებული ბიზნესმენი.
დაიღუპა ავიაკატასტროფაში 1963 წლის 31 აგვისტოს, ჯერ კიდევ სრულიად ახალგაზრდა 46 წლის ასაკში.
მოკრივე! რომელიც არასოდეს არ დამარცხებულა, პროფესიულ კრივში, მთელი კარიერის მანძძილზე მხოლოდ ერთხელ იყო ნოკდაუნში, მოკრივე რომლის ფენომენალური შედეგი უცვლელია 49 შეხვედრიდან 43 მოგება ნოკაუტით და არცერთი ფრე.