ყველამ იცის, რომ მთვარე ყოველთვის ერთ მხარეს ჩანს დედამიწიდან. ჩვენ ყოველთვის ვხედავთ დედამიწის თანამგზავრის მხოლოდ ერთ ნახევარს, ხოლო მეორე ნახევარი დედამიწელების თვალისგან ყოველთვის დაფარულია. მთვარე არა მხოლოდ დედამიწის ირგვლივ მოძრაობს, არამედ ის, დედამიწის მსგავსად, თავისი ღერძის გარშემოც მოძრაობს. როგორ ხდება, რომ დედამიწელები მხოლოდ მისი ზედაპირის მხოლოდ ერთ ნახევარს ვხედავთ?

უფრო სწორად, ჩვენ შეგვიძლია დავინახოთ მთვარის ზედაპირის დაახლოებით 59%, რაც ნახევარზე მეტია. ეს იმის გამოა, რომ მთვარის ორბიტა არ არის სრულყოფილი მრგვალი. მას აქვს ელიფსის ფორმა. მთავარი მიზეზი კი, რომ დედამიწელები ვერ ვხედავთ მთვარის უკანა მხარეს, არის ის, რომ მთვარისა და დედამიწის როტაცია ერთმანეთთან სინქრონიზებულია.