შემთხვევა დღეს დილით, აგრარული ბაზრის მიმდებარე ტერიტორიაზე მოხდა. არსებული ინფორმაციით, ფიცრებით დატვირთული სატვირთო ავტომობილის მძღოლმა საჭე ვერ დაიმორჩილა, მოცურდა და შუქნიშნისა და გარე განათების ბოძებს დაეჯახა, ხოლო ერთ-ერთი მოგლეჯილი ბოძი 55 წლის მამაკაცს დაეცა. ექიმებმა მისი გადარჩენა ვერ მოახერხეს. ამ წუთებში შემთხვევის ადგილზე მობილიზებულია საპატრულო და კრიმინალური პოლიცია.

გამოძიება საქართველოს სისხლის სამართლის კოდექსის 276-ე მუხლის მეხუთე ნაწილით დაიწყო, რაც მოძრაობის უსაფრთხოების ან ექსპლოატაციის წესის დარღვევას გულისხმობს, რომელმაც ადამიანის სიცოცხლის მოსპობა გამოიწვია.