დამტკიცდა, რომ მტკიცე კავშირი საპირისპირო სქესის მშობელთან სასიკეთოდ მოქმედებს ბავშვის თვითშეფასებაზე.

ბავშვები, რომლებიც ახლო ურთიერთობაში არიან მშობლებთან, ყველაზე ნაკლებად აღენიშნებათ ფსიქოლოგიური გადახრები, ასეთ დასკვნამდე მივიდნენ სპეციალისტები ორგანიზაცია Marriage Foundation-დან.

შედეგები ორგანიზაციის ოფიციალურ საიტზე გამოქვეყნდა, სადაც აღნიშნულია, რომ გამოიკვლიეს 11 ათასი ოჯახის მონაცემები, გაირკვა, რომ ბიჭები მოზარდ ასაკში, რომლებიც მიკედლებულები არიან დედებს და ანალოგიურად - გოგონები მამებს, 40-45%-ით ნაკლებად აღენიშნებათ ფსიქოლოგიური პრობლემები და მათ გაცილებით უკეთესი ურთიერთობა აქვთ თანატოლებთან.

ამის გარდა, ბიჭებისთვის უფრო მნიშვნელოვანია, რომ დედ-მამა ცხოვრობდეს ერთად, ხოლო გოგონებისთვის ის, რომ მშობლებს კარგი ურთიერთობა ჰქონდეთ ერთმანეთთან.

კვლევამ ისიც დაამტკიცა, რომ ბავშვის კარგი ურთიერთობა საპირისპირო სქესის მშობელთან სასიკეთოდ მოქმედებს მის თვითშეფასებაზე.