300-400 გრამი ხილის და ბოსტნეულის ყოველდღიური მიღება შესანიშნავი პროფილაქტიკაა მრავალი დაავადების წინააღმდეგ, თუმცა ამერიკელმა მეცნიერებმა განსაკუთრებით გამოყვეს ჭარხლის წვენი. უეკ-ფორესტის უნივერსიტეტის სპეციალისტების კვლევის შედეგად დადგინდა, რომ ჭარხლის წვენის ყოველდღიური მიღება აუმჯობესებს ტვინში სისხლის მომოქცევას და აფერხებს სიბერით გამოწვეულ სკლეროზს და გონებრივ სისუსტეს.

რატომ მაინცდამაინც ჭარხალი? საქმე იმაშია, რომ ჭარხალი უხვი რაოდენობით შეიცავს აზოტმჟავას მარილებს(ნიტრატები).

ორგანიზმში ნიტრატები გარდაიქმნება ნიტრიტებად, რომელიც ხელს უშლის სისხლძარღვების დახშობას და აუმჯობესებს სისხლის მიმოქცევას. წინანდელმა და ამჟამინდელმა კვლევებმა კიდევ ერთხელ დაამტკიცა, რომ სხვა ბოსტნეულთან ერთად ჭარხლის მიღება არეგულირებს არტერიულ წნევას.

სპეციალისტების განცხადებით, ნიტრიტების მაღალი შემცველობით ჭარხლის გარდა გამოირჩევა ნიახური, ყაბაყი და ისპანახი.

იხილეთ სხვა სიახლეები