მამბა შხამიანი გველების "ასპიტისებრთა" ოჯახისაა. გვარში ოთხი სახეობაა; გავრცელებულია აფრიკაში, საჰარის სამხრეთით. მათი სხეულის სიგრძე 2-4 მ. აღწევს, შეფერილია მწვანედ (არსებობს შავი მამბაც) ბინადრობენ ხეებზე, გვხვდება ბუჩქებსა და მიწაზე. მრავლდებიან კვერცხებით, იკვებებიან ფრინველებით, ხვლიკებით, მღრღნელებით. ქვედა ყბაზე წინა 2 კბილი ეხმარება მსხვერპლის ჰაერშივე დაჭერაში. აქვთ მეტად ძლიერი შხამი, რომელიც წვრილ ცხოველებს რამდენიმე წამში კლავს, ადამიანს კი ნახევარ საათში. ცნობილია ადამიანთა მსხვერპლის რამდენიმე შემთხვევა.

მამბა აფრიკის ყველაზე საშინელი გველია. არც კობრასი და არც გველგესლისა ისე არ ეშინია ხალხს, როგორც ამ გველების. იყო შემთხვევები, როდესაც ადამიანები მისი ნაკმენიდან 20-30 წუთის შემდეგ კვდებოდნენ. ეს შხამიანი გველი ყველაზე სწრაფია. სისინებს დაბალ ხმაზე. მამბა ოდნავ წამოწეული თავით და ფართოდ დაღებული პირით ემზადება საკბენად.