ვატიკანის ახალმა დოკუმენტმა, რომელიც ოფიციალურ ვებ-გვერდზე გამოქვეყნდა, დაბნეულობა და შოკი გამოიწვია მრევლის იმ ნაწილში, რომლებიც ქალწულობას ინახავენ. დოკუმენტის მიხედვით, აუცილებელი არაა, გოგონამ ქალწულობა შეინახოს, გამოდის, ზოგიერთმა ქალმა ცხოვრება ისე არ განვლო, როგორც სწამდა და სჯეროდა.

მსოფლიოში დაახლოებით 5 ათასი ქალია, რომლებმაც ფიცი დადეს სამუდამოდ ქალწულები დარჩნენ, ესენი გახლავთ საზოგადოება "ქრისტეს პატარძლების"წევრები. მათ შეუძლიათ იცხოვრონ ფუფუნებაში, იმუშაონ, მაგრამ ერთგულნი უნდა იყვნენ ქრისტეს მიმართ, სიმბოლურად შეუნახონ მას ქალწულობა.

ამის დასტურია ნიშნობის ბეჭედი, რომელსაც "პატარძლები" საეკლესიო რიტუალის შემდეგ თითზე იკეთებენ და მთელი ცხოვრება ატარებენ.

როგორც გამოცემა Calgaryherald-ი იუწყება, ქალები აღშფოთებულები არიან ვატიკანის ამ განცხადებით.

ამერიკის ქალწულთა ასოციაციამ გამოქვეყნა განცხადება, სადაც ვატიკანის დოკუმენტს უწოდა "აღმაშფოთებელი" და "შეურაცხმყოფელი".

განცხადების ნაწყვეტი გამოცემიდან: "ამაზრზენია, დედა-ეკლესიიდან გესმოდეს ის, რომ ფიზიკური ქალწულობა აღარაა აუცილებელი".