რუსეთში მოღვაწე ქართველმა მომღერალმა ირაკლი ფირცხალავამ, რომელიც, როგორც წესი, არ გამოირჩევა სკანდალური განცხადებებით, Heat.ru-სთან საუბრისას პოლიტიკური და არამარტო პოლიტიკური განცხადებები გააკეთა. მომღერალმა ჰომოსექსუალიზმის პროპაგანდის აკრძალვასთან დაკავშირებით ისაუბრა.
"სიმართლე გითხრათ, არ მესმის, რა არის ჰომოსექსუალიზმის პროპაგანდა. ანუ: "მოდით, ვიჟიმაოთ მამაკაცებო"? მე ზოგადად, სექსის პროპაგანდასთან უარყოფითი დამოკიდებულება მაქვს, მიუხედავად იმისა, ჰეტეროსექსუალურია თუ ჰომოსექსუალური! ჩემი აზრით, როდესაც ახალგაზრდობა ამას უყურებს ტელევიზორსა და ინტერნეტში, ეს გავლენას ახდენს მათ გონებასა და სექსუალური ცხოვრების დასაწყისზე. ამას იქამდე მივყავართ, რომ სექსუალური ცხოვრება პატარა ასაკში იწყება, რაც ცუდია. იდეალურ შემთხვევაში, ეს ქორწინებაში უნდა მოხდეს" - აღნიშნა მომღერალმა საუბრისას.
ჟურნალისტის შეკითხვის საპასუხოდ, ფირცხალავამ სტალინის ღვაწლზეც ისაუბრა და აღნიშნა, რომ არ შეეშინდებოდა ეცხოვრა ბელადის რეპრესიების პერიოდში, რადგან პატიოსანი ადამიანია.